अदिमि_त_ढ़ेर_देखनी_तहरा_नियन_हुसियार_ना_देखनी

#अदिमि_त_ढ़ेर_देखनी_तहरा_नियन_हुसियार_ना_देखनी
__________________________________________

धूर्त ,चलाख ,मतलबी ,खाली काम के यार ना देखनी
अदिमि त ढ़ेर देखनी,तहरा नियन हुसियार ना देखनी

हरेक जगे अपने फायदा खोजब त काम कइसे चली
जहां खइब ओहिजे हाथ पोछब त काम कइसे चली
हर जगह देहचोरइ मरदे अइसन दतचियार ना देखनी
अदिमि त ढ़ेर देखनी,तहरा नियन हुसियार ना देखनी

खाली टीकावत रहेल मंगनी के ,भंडारा में खालऽ नु
जहां  आपन  खाये के होइ  त , अन्हारा में खालऽ नु
चलती के चेला , मौकापरस्त , रंगा सियार ना देखनी
अदिमि त ढ़ेर देखनी,तहरा नियन हुसियार ना देखनी

आंखी में धुरा झोकल , बात बनावे -चढ़ावे के लुर बा
तहार चलाखी के खिसा ऐ बाबू ,दूर दूर ले मसहूर बा
मइल,रोगीआह,कपार बथी,मलेक्ष बोखार ना देखनी
अदिमि त ढ़ेर देखनी,तहरा नियन हुसियार ना देखनी

#मिथिलेश_मैकश
#छपरा

      #लिखीं_भोजपुरी_पढ़ीं_भोजपुरी
                 #रउवा_बढ़ब_बढ़ी_भोजपुरी