....ना रहला पर ...उदास लागेला

बूढ़ -पुरनिया के ना होखे से,घर दुवार उदास लागेला
जदि माई -बाबु ना होखस त,ई संसार उदास लागेला
बिजली मोटर के जुग मे,पकवा ईनार उदास लागेला
देखऽ,परती रहे धरती त,दियर-बधार उदास लागेला

लइकन के खिलौना ना होखेसे,बाजार उदास लागेला
एकाध सार साली ना होखे त ,ससुरार उदास लागेला
काहे पिया के बाहर जाते,बसंत बेयार उदास लागेला
मरद ना होखस त ,मेहरारू के सिंगार उदास लागेला

बनावटी,देखावटी होखे त,दुरेसे प्यार उदास लागेला
जे मन ठीक ना होखे त,आइल बहार उदास लागेला
चानी प तेल छाप ल त,आदमी बेमार उदास लागेला
जे कमाये आला चल जाये,त परिवार उदास लागेला

गुंग नियन चुप रहला से त,सर संस्कार उदास लागेला
मुहं चोथा लेका क लऽ त,सोनो के हार उदास लागेला
बिना इंसानियत के चर्च मन्दिर, मजार उदास लागेला
बिना ठेठ भोजपुरिया के जिला जवार उदास लागेला

#मिथिलेश_मैकश

#लिखी_भोजपुरी_पढ़ी_भोजपुरी
               #रउवा_बढ़ब_बढ़ी_भोजपुरी

#ललका_गुलाब
#रिलीज_होता
#28_अप्रिल_2017_के
#यूट्यूब_आखर_प
www.youtube.com/c/aakharbhojpuri