#कवन_नेता_बढिया_बा ?
★■■■■■■■■■■★
केहू लाल केहू करिया बा
कवन नेता बढ़िया बा ?
खुरपी से के सोहल बाटे ?
दूध के के धोवल बाटे ?
कमाये के सब जरिया बा
कवन नेता बढ़िया बा ?
केहु चतुर केहू गदहा बा
बलेल के हाथे पगहा बा
बिकल्प के ना जरिया बा
कवन नेता बढ़िया बा ?
चुनाव के पहिल भोट चाही
चुनाव के बाद नोट चाही
टूटल लोटा फुटल थरिया बा
कवन नेता बढ़िया बा ?
जनता के आँखि लोर बा
पक्ष - विपक्ष सभ चोर बा
कल्लू त केहू खेसरिया बा
कवन नेता बढ़िया बा ?
- मिथिलेश मैकश
छपरा
No comments:
Post a Comment