खाना एतना मत खा की,पेट परेशान हो जाये
डाईटिंग एतनो ना कर की,देह गतान हो जाये
मेकप सिंगार पटार सब ,अपना जगहा प बा
एतनो मत कर की ,मुँह बानर समान हो जाये
दाँत चिआरला के मतलब , इ ना भइल की
आपन गइल त , दोसरो के नुकसान हो जाये
मनुस जनम लेला के,का मतलब भइल?जब
तहरा चलते , दस गो लोग परेशान हो जाये
जब समय मिले नु , कुछ बढ़िया कइल करऽ
कहीं एने ओने मे,जवानी ना जीयान हो जाये
गांव के मान राखल कर मैकश,अब अइसन
डोमकच मत करऽ की , लोग हैरान हो जाये
#मिथिलेश_मैकश
#लिखी_भोजपुरी_पढ़ी_भोजपुरी
#रउवा_बढ़ब_बढ़ी_भोजपुरी
No comments:
Post a Comment