ललटेन के बतिहर
नाया नाया में
खूब तिरछिया के जरेला
एने ओने टेढ़िया जाला
फेर सोझ करे के पड़ेला
जइसे जइसे जरेला
तइसे तइसे घटेला
एक बीता से घट के
हो जाला कानी अंगूरी नियन
ललटेन के बतिहर
भुकभुकाइल पहचान हवे
गिर जाला जे तनिको
त भभक जाला दाढ़ा ले
पहिले हाथ से बुतावल जाला
ना माने त
फूंक दिहल जाला मुंह से
जबले तेल बा तबले खेल बा
आदमी का ह? बतावेला
ललटेन के बतिहर
- मिथिलेश मैकश
No comments:
Post a Comment