#एगो_जिनगानी_केतना_कहानी_से_गुजरल

#एगो_जिनगानी_केतना_कहानी_से_गुजरल
________________________________

कबो  सुख  त कबो , परेशानी से गुजरल
कबो  आग  त  कबो  , पानी  से  गुजरल
कबो लरिकाई त कबो,जवानी से गुजरल
एगो जिनगानी,केतना कहानी से गुजरल

कबो  काम  त  कबो , आराम से गुजरल
कबो  बदनामी त कबो , नाम  से गुजरल
कबो  छाह  त  कबो  ,  घाम  सेे  गुजरल
कबो निहोरा त  कबो , सलाम से गुजरल
कबो दिकत त कबो ,आसानी से गुजरल
एगो जिनगानी,केतना कहानी से गुजरल

कबो खिसियाके त कबो,प्यार से गुजरल
कबो  नगद  त  कबो , उधार  से  गुजरल
कबो किनार त कबो ,मझधार से गुजरल
कबो  रुईया त  कबो , पहाड़  से गुजरल
कबो  सोना  त  कबो , चानी  से  गुजरल
एगो जिनगानी,केतना कहानी से गुजरल

कबो  कमजोर कबो , बरियार से गुजरल
कबो  हलुकाह त कबो , भार  से गुजरल
कबो गली गुची , कबो बाजार से गुजरल
कबो अकेला  त कबो , हजार से गुजरल
कबो मनलस  कबो , मनमानी से गुजरल
एगो जिनगानी,केतना कहानी से गुजरल

कबो मस्ती में कबो ,जिमेदारी से गुजरल
कबो  भालु  त  कबो , मदारी  से गुजरल
कबो  निरोग त  कबो , बेमारी से गुजरल
कबो  छुछे त  कबो , तरकारी से गुजरल
कबो  ठेला  त कबो , दोकानी से गुजरल
एगो जिनगानी,केतना कहानी से गुजरल

कबो  मिठ  त  कबो  ,  तित  से  गुजरल
कबो  गीत  त  कबो ,  संगीत से गुजरल
कबो  हार  त  कबो  ,  जीत  से  गुजरल
कबो   पट  त  कबो  ,  चित  से  गुजरल
कबो  नाफा  त  कबो ,  घानी से गुजरल
एगो जिनगानी केतना कहानी से गुजरल

कबो  गर्व   त  कबो  , पछताके  गुजरल
कबो  शांत त  कबो , छटपटाके  गुजरल
कबो निकलल त कबो,अटकाके गुजरल
कबो सीधा कबो उल्टा,लटकाके गुजरल
कबो ईमानदारी कबो,बईमानी से गुजरल
एगो जिनगानी केतना कहानी से गुजरल

#मिथिलेश_मैकश
#छपरा

      #लिखीं_भोजपुरी_पढ़ीं_भोजपुरी
                 #रउवा_बढ़ब_बढ़ी_भोजपुरी

#ललका_गुलाब
#रिलीज_होता
#28_अप्रिल_2017_के
#यूट्यूब_आखर_प (सब्सक्राइब करी)
www.youtube.com/c/aakharbhojpuri