देश मे कुछु चीज के ,किलत नईखे
फिर भी केहु के,कुछ मिलत नईखे
केहु खा खा के ,खूब काखsता,आ
केहु के कुछ खाये के,मिलत नईखे
सबसे बड़ समस्या,इहे बा आज के
आगे आवे के ,केहु के हिमत नईखे
खाली बइठल बईठल,सबके चाही
केहु अपना जगह से ,हिलत नईखे
नेतवन के सैलरी देखके,ई लागता
की देश मे पईसा के ,दिकत नईखे
इहंवा खिलाड़ी,हीरो के कीमत बा
शहीदन के जान के, क़ीमत नईखे
लोग ऑनलाइन ,खूब बात करता
सोझा केहु , केहु के चिन्हत नईखे
जवन साच बा ,उहे त कहs तानी
सीधा आदमी के अब इजत नईखे
अंगरेजी दीस दैट ,सभे लो करता
आपन भाषा , .केहु लिखत नईखे
जवन बुझात नईखे,उ लोग रटता
जवन बुझाता ,केहु सिखत नईखे
योजना पे योजना खूब शुरू होता
जमीनी स्तर पे,कुछ होखत नईखे
शिलान्यास पट त , खूबे लउकता
काम का होता कुछ दिखत नईखे
बरे बरे घोटाला , लिल जाता लो
मुंह से केहु,कुछऊ छिकत नइखे
झूठ ह की साच,साच ह की झूठ
कवनो के ,कुछ हकीकत नईखे
पियक्कड़ लोग,ढ़ेर परेशान बाड़े
सरकार के करेज,पसिजत नईखे
खइनी ओइनि त,चलते बा 'मैकश'
बस लाल पानी केहु बेचत नइखे
#मिथिलेश_मैकश
#छपरा
#लिखीं_भोजपुरी_पढ़ीं_भोजपुरी
#रउवा_बढ़ब_बढ़ी_भोजपुरी
